ప్రకాశం జిల్లా మార్టూరు మండలం బొల్లాపల్లికి చెందిన వేణుబాబు (27) రోడ్డు ప్రమాదంలో మృతిచెందాడు. కోనంకి - బొల్లాపల్లి జాతీయరహదారిపై ఈ ప్రమాదం జరిగింది. ద్విచక్రవాహనంపై కోనంకి వైపు నుంచి స్వగ్రామానికి వస్తూ వేణుబాబు ప్రమాదానికి గురయ్యాడు. అదుపు తప్పి పడిపోయాడా... ఏదైనా గుర్తుతెలియని వాహనం ఢీ కొని మృతి చెందాడా అనే విషయాలు తెలియరాలేదు.
అపస్మారక స్దితిలో పడి ఉన్న వేణుబాబును అటుగావస్తున్న స్థానికులు గమనించి చూడగా అప్పటికే ప్రాణాలు కోల్పోయాడు. మృతుని వద్ద లభ్యమైన ఆధార్ కార్డు ఆధారంగా కుటుంబ సభ్యులకు సమాచారం అందించారు. మార్టూరు పోలీసులు కేసు నమోదు చేసుకుని దర్యాప్తు చేస్తున్నారు.
ఇదీ చదవండి:
RAYALSEEMA LIFT: రాయలసీమ ఎత్తిపోతలకు పర్యావరణ అనుమతులు మళ్లీ వాయిదా
