Psycho: ప్రకాశం జిల్లా దోర్నాల మండలం యడవల్లిలో శ్రీనివాస్ అనే వ్యక్తి గొడ్డలితో వీరంగం సృష్టించాడు. గొడ్డలి పట్టుకుని.. రహదారిపై వెళ్తున్న ఇద్దరు వ్యక్తులపై దాడికి తెగపడ్డాడు. ఈ ఘటనలో నల్లబోతుల రమణయ్య, ముగయ్యల తలలపై తీవ్ర గాయాలయ్యాయి. గాయపడిన వారిని దోర్నాల ప్రభుత్వ వైద్యశాలకు తరలించారు. నిందితుడు శ్రీనివాస్ గ్రామంలో మద్యం తాగుతూ జులాయిగా తిరుగుతూ ఉంటాడని గ్రామస్థులు తెలిపారు. మరోవైపు నిందితుడు శ్రీనివాస్ను కఠినంగా శిక్షించాలని పోలీస్ స్టేషన్ ఎదుట బాధితుల కుటుంబ సభ్యులు ఆందోళన చేశారు. నిందితుడ్ని ఊరిలోకి రానివ్వకుండా చర్యలు తీసుకోవాలని గ్రామస్థులు కోరారు.
ఇవీ చదవండి:
