ఆన్​లైన్​లో పరీక్షలు వద్దంటూ ఐటీఐ విద్యార్థుల ర్యాలీ

ఐటీఐలో ఆన్​లైన్​ ద్వారా పరీక్షలు నిర్వహించాలనే బోర్డు నిర్ణయాన్ని నిరసిస్తూ గిద్దలూరు పట్టణములో శ్రీవెంకటేశ్వర ఐటీఐ విద్యార్థులు నిరసన చేపట్టారు.

ఐటీఐలో ఆన్​లైన్​ద్వారా పరీక్షలు నిర్వహించాలనే బోర్డు నిర్ణయాన్ని నిరసిస్తూ గిద్దలూరు పట్టణములో శ్రీవెంకటేశ్వర ఐటీఐ విద్యార్థులు నిరసన చేపట్టారు. ఇంజనీరింగ్, పాలిటెక్నిక్ లాంటి సాంకేతిక విద్య కళాశాలలోనే ఆన్​లైన్​ద్వారా పరీక్షలు నిర్వహించడం లేదని... అలాంటిది ఐటీఐ విద్యార్థులకు మాత్రమే ఎందుకని ఆవేదన వ్యక్తం చేస్తున్నారు. బోర్డు అధికారులు వెంటనే తమ నిర్ణయాన్ని ఉపసంహరించుకొని, పాత పద్దతిలోనే పరీక్షలు నిర్వహించాలని విద్యార్థులు కోరారు.