కొవిడ్ కేర్ సెంటర్లో వైద్యులు, నర్సులు తప్పనిసరిగా పీపీఈ కిట్లు ధరించాలని రాష్ట్ర కొవిడ్ నోడల్ అధికారి శ్రీకాంత్ అన్నారు. కొవిడ్ రోగులకు నాణ్యమైన వైద్య సేవలు అందించేందుకు చర్యలు తీసుకోవాలని వైద్యారోగ్య శాఖ అధికారులను ఆదేశించారు. ప్రకాశం జిల్లా ఒంగోలు రిమ్స్ ఆస్పత్రి, ట్రిపుల్ ఐటీలోని కొవిడ్ కేర్ సెంటర్లను ఆయన పరిశీలించారు. ఈ సందర్భంగా రోగులకు అందిస్తున్న వైద్య సేవలను గురించి అడిగి తెలుసుకున్నారు. ప్రభుత్వం ఇచ్చిన మెనూ ప్రకారం.. భోజన సౌకర్యాలు కల్పించాలని ఆయన చెప్పారు.
రోగులు వేచిచూడకుండా వీలైనంత త్వరగా వారికి ఆస్పత్రిలో పడకలు ఏర్పాటు చేయాలని చెప్పారు. ఈ కార్యక్రమంలో జాయింట్ కలెక్టర్ శ్రీమతి కృష్ణవేణి, బీసీ సంక్షేమశాఖ అధికారి, కొవిడ్ కేర్ సెంటర్ నోడల్ ఆఫీసర్ శ్రీ ఎం.వెంకటేశ్వర రావు, రిమ్స్ హాస్పిటల్ సూపరిండెంట్ డా. శ్రీరాములు, తదితరులు పాల్గొన్నారు.
ఇదీ చదవండి: టీకాల కొనుగోళ్లకు గ్లోబల్‌ టెండర్‌: అనిల్‌ సింఘాల్‌
