ప్రభుత్వ మద్యం దుకాణంలో అవకతవకలు

ప్రభుత్వ మద్యం దుకాణాల్లో ఎక్సైజ్ అధికారులు ఆకస్మిక దాడులు నిర్వహిస్తున్నారు. కొన్నిచోట్ల అవకతవకలను గుర్తించారు. పామూరులోని ఓ దుకాణంలో లెక్కలు సరిగా లేకపోవటంతో చలానా కట్టించారు.

ప్రకాశం జిల్లా కనిగిరి, పామూరు మండలాల్లో ప్రభుత్వ ఆధ్వర్యంలో నడిచే మద్యం దుకాణాల్ని ఎక్సైజ్ ఉన్నతాధికారులు ఆదివారం ఆకస్మికంగా తనిఖీ చేశారు. నిబంధనలను అతిక్రమించి షాపులు తెరిచి అక్రమంగా మద్యం విక్రయిస్తున్నారన్న అనుమానంతో జిల్లా కలెక్టర్ ఆదేశాలతో ఈ సోదాలు నిర్వహించినట్లు మార్కాపురం ఎక్సైజ్ అధికారి దుర్గాప్రసాద్ తెలిపారు. పామూరులోని ఓ మద్యం దుకాణంలో లెక్కలు సరిగా లేవని గమనించి 80,000 రూపాయలు చలానా కట్టించామని కనిగిరి ఎక్సైజ్ సీఐ విజయభాస్కర్ రావు తెలిపారు.

ఇదీ చదవండి: రాష్ట్రంలో 427కు చేరిన కరోనా పాజిటివ్‌ కేసులు