Attack on Lineman for cutting power: విద్యుత్ బకాయిలు చెల్లించలేదని.. కరెంట్ సరఫరా నిలిపివేసిన లైన్మన్పైనే ఓ కుటుంబం దాడికి దిగింది. ప్రకాశం జిల్లా వెలిగండ్ల మండలం బొంతగుంట్లకు చెందిన కంచర్ల యోహాన్ 18 వందల రూపాయల విద్యుత్ బిల్లు బకాయి ఉన్నాడు. చెల్లించాలని విద్యుత్ అధికారులు చెప్పగా యోహాన్ ససేమిరా అన్నాడు. దీంతో లైన్మన్ వారి ఇంటికి విద్యుత్ సరఫరాను నిలిపివేశారు.
ఆగ్రహించిన యోహాన్ కుటుంబసభ్యులు లైన్మన్ శివారెడ్డిపై దాడి చేశారు. అంతేకాక విద్యుత్ బిల్లులు కట్టించుకునేందుకు వచ్చిన విద్యుత్ సిబ్బందిపైనా దురుసుగా ప్రవర్తించారు. క్షతగాత్రుడు కనిగిరి ప్రభుత్వ ఆస్పత్రిలో చికిత్స పొందుతున్నాడు. దాడికి పాల్పడిన ఆరుగురిపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
ఇదీ చూడండి:
Rain alert: రాయలసీమ, దక్షిణ కోస్తాంధ్రకు మరోసారి భారీ వర్షాలు.. వాతావరణ శాఖ హెచ్చరిక
