వారం రోజులు.. స్వచ్ఛందంగా మూసివేత

కరోనా కేసుల సంఖ్య రోజు రోజుకూ విపరీతంగా పెరుగుతున్న క్రమంలో ప్రకాశం జిల్లాలో మార్కెట్లను స్వచ్ఛందంగా మూసివేస్తున్నారు. చీరాలలోని మహాత్మాగాంధీ క్లాత్ మార్కెట్​ను ఈరోజు నుంచి శనివారం వరకూ మూసివేస్తున్నట్లు వ్యాపారులు తెలిపారు.

కరోనా రెండో దశలో పాజిటివ్‌ కేసుల సంఖ్య రోజు రోజుకూ పెరుగుతున్న నేపథ్యంలో సోమవారం నుంచి శనివారం వరకు చీరాల ఎంజీసీ మార్కెట్‌ను స్వచ్ఛందంగా మూసివేస్తున్నట్టు ఎంజీసీ అధ్యక్షుడు శీరాం రాఘవయ్య తెలిపారు. మార్కెట్‌లో ఆదివారం నిర్వహించిన సమావేశంలో ఈ మేరకు నిర్ణయాన్ని తీసుకున్నట్లు ఆయన చెప్పారు. తిరిగి ఆదివారం రోజున వ్యాపారులతో మరోసారి సమావేశమై తదనంతర నిర్ణయం తీసుకుంటామని వివరించారు. వ్యాపారులు, వినియోగదారులు ఈ విషయాన్ని గమనించాలని కోరారు.

ఇదీ చదవండి: పాడేరులో కొవిడ్​తో చనిపోయింది.. పవన్ కల్యాణ్ బౌన్సరే!