ప్రకాశం జిల్లా అద్దంకి మున్సిపల్ ఎన్నికల్లో తెదేపా అభ్యర్థుల విజయాన్ని కాంక్షిస్తూ అద్దంకి ఎమ్మెల్యే గొట్టిపాటి రవికుమార్ ప్రచారం నిర్వహించారు. పట్టణంలోని 3, 4, 5 వార్డుల కౌన్సిలర్ అభ్యర్థులకు మద్దతుగా స్థానిక తెదేపా నేతలతో కలిసి ఇంటింటికి తిరుగుతూ.. ప్రచారం చేశారు. అద్దంకి మునిసిపాలిటీ అభివృద్ధి చెందాలంటే సైకిల్ గుర్తుపై ఓటు వేసి తెదేపాను ఆదరించాలని కోరారు.
పట్టణంలోని 1వ వార్డులో ప్రచారం జోరందుకుంది. ఇక్కడ తెదేపా తరపున పోటీ చేసి వ్యక్తి లేకపోవటంతో.. స్వతంత్ర అభ్యర్థికి తెదేపా మద్దతు ఇచ్చింది. గడపగడపకు వెళ్లి ప్రభుత్వ వ్యతిరేక వైఖరిని ప్రజలకు తెలుపుతూ తమను గెలిపించాలని ఓటర్లను అభ్యర్థిస్తున్నారు. మరోవైపు వైకాపా నుంచి పోటీ చేసిన వ్యక్తి ఇంటింటికీ తిరుగుతూ ప్రభుత్వ పథకాలను వివరిస్తూ వార్డులోని సమస్యలను తీర్చుతానంటూ ప్రచారం చేస్తున్నారు.
ఇవీ చూడండి... అంత్యక్రియలకు వెళ్లి వస్తూ.. అనంత లోకాలకు
