ప్రకాశం జిల్లా మార్కాపురం మండలంలో భూ అక్రమాలకు పాల్పడిన రెవెన్యూ సిబ్బందిపై వేటు పడింది. ఈ అక్రమాల్లో కీలక పాత్ర పోషించిన విశ్రాంత తహసీల్దార్ విద్యాసాగారుడుపై క్రిమినల్ చర్యలు తీసుకోనున్నారు. మార్కాపురం మండల పరిధిలో వందల ఎకరాల ప్రభుత్వ భూముల అన్యాక్రాంతానికి కారణమైన 12 మంది వీఆర్వోలు, ఓ సర్వేయర్ను సస్పెండ్ చెయ్యగా.. కంప్యూటర్ ఆపరేటర్ను విధుల నుంచి శాశ్వతంగా తప్పించారు.
కోట్ల రూపాయల అవినీతి..
మార్కాపురం మండలం తహసీల్దార్గా పనిచేసిన విద్యాసాగారుడు.. ఇటీవల పదవీ విరమణ పొందారు. ఇదే అదునుగా భావించిన కొందరు సిబ్బంది.. సదరు తహసీల్దార్తో బేరాలు కుదుర్చుకున్నారు. అధికార పార్టీ నాయకులు, కార్యకర్తలకు వందల ఎకరాల్లో ప్రభుత్వ భూములు కట్టబెట్టి రూ. కోట్లల్లో అవినీతికి పాల్పడ్డారు.
విచారణకు ఆదేశం..
ఈ ఘటనపై జిల్లా కలెక్టర్ ప్రవీణ్ కుమార్ విచారణకు ఆదేశించారు. విచారణ అధికారిగా వెలిగొండ ప్రాజెక్టు ప్రత్యేక డిప్యూటీ కలెక్టర్ సరళ వందనంను నియమించారు. దాదాపు రెండు నెలలపాటు మండలంలోని అన్ని గ్రామాల రికార్డులు పరిశీలించిన ఉన్నతాధికారులు.. నివేదికను కలెక్టర్కు అందజేశారు.
ఆరోపణలు రుజువు కావడంతో..
ఆరోపణలు రుజువు కావడంతో అక్రమాలకు పాల్పడిన వారందరిపై చర్యలు తీసుకున్నారు. ఆర్ఐ గోపీతోపాటు మరో ఇద్దరు వీఆర్వోలు ఇటీవలే సస్పెన్షన్కు గురయ్యారు. దీంతో మొత్తం 14 మంది వీఆర్వోలు సస్పెండయ్యారు.
ఇదీ చదవండి:
