ఎన్టీఆర్ నగర్ హత్య కేసును ఛేదించిన పోలీసులు

నెల్లూరులోని ఎన్టీఆర్ నగర్​లో జరిగిన హత్య కేసును పోలీసులు ఛేదించారు. చోరీ సొమ్ము పంపకాల్లో వచ్చిన తేడాతోనే పవన్​ కుమార్​ను హత్య చేసినట్లు పోలీసులు తెలిపారు. నిందితులపై రౌడీ షీట్స్ ఓపెన్​ చేస్తామని డీఎస్పీ స్పష్టం చేశారు.

నెల్లూరులోని ఎన్టీఆర్ నగర్​లో ఈ నెల ఆరో తేదీన జరిగిన హత్య కేసును పోలీసులు ఛేదించారు. చోరీ సొమ్ము పంపకాల్లో తేడా రావడంతో పవన్ కుమార్ అనే దొంగను అతని స్నేహితులే హత్య చేశారు. దీనిపై ఫిర్యాదు అందుకున్న పోలీసులు వెంకయ్య, శ్రావణ్, విష్ణువర్ధన్​లను నిందితులుగా గుర్తించి అరెస్ట్ చేశారు. హత్యకు వినియోగించిన కత్తి, మోటార్​ను స్వాధీనం చేసుకున్నారు. పాత కక్షలతోనే పవన్ కుమార్​ను నిందితులు హత్య చేసినట్లు డీఎస్పీ శ్రీనివాసులరెడ్డి తెలిపారు. నిందితులపై రౌడీ షీట్స్ ఓపెన్ చేస్తామన్నారు.

ఇదీ చదవండి