పాఠాలు చెబుతూనే పోటీ చేశాడు..ఎన్నికల్లో గెలిచాడు

యువత రాజకీయాల్లోకి రావాలని పార్టీలన్నీ పిలుపునిస్తుంటాయి. అయితే వాస్తవానికి ఆ అవకాశాలు చాలా తక్కువేనని చెప్పాలి. కానీ పోటీ చేయాలనే తపన.. ఊరిని అభివృద్ధి చేసుకోవాలనే సంకల్పంతో సంగం గ్రామంలో వార్డు మెంబర్​గా బరిలో నిలిచాడు ఎంటెక్ చదివిన యువకుడు తేజ. పదవి ప్రధానం కాదు.. పని చేయాలనే ఆలోచన ముఖ్యమంటూ.. అందరినీ కలుపుకుంటూపోతున్న శ్రీనివాసమహన్ తేజను ఆ వార్డు ప్రజలంతా కలిసి గెలిపించుకున్నారు.

నెల్లూరు జిల్లా ఆత్మకూరు డివిజన్​లో రెండో దశ పంచాయితీ ఎన్నికల్లో అందరినీ కలుపుకొని.. పలకరిస్తూ పోలింగ్ కేంద్రం వద్ద ఓటర్లను ఆకర్షించాడు ఓ కుర్రాడు. సంగం మండలంలో పెద్ద పంచాయతీ సంగం గ్రామం. 8 వేలకుపైగా ఓటర్లు ఉన్న ఈ పంచాయతీలో మూడో వార్డుకు పోటీ చేసి గెలిచాడు ఆమటి శ్రీనివాసమహన్ తేజ. 350 ఓట్లున్న ఈ వార్డులో.. ప్రతివారిని పలకరిస్తూ కలుపుకుంటూపోతుంటాడు.

ఆత్మకూరులోని ఆంధ్ర ఇంజనీరింగ్ కళాశాలలో ఇటీవలే ఎంటెక్ పూర్తి చేశాడు. కంప్యూటర్ సైన్స్ అండ్ ఇంజనీరింగ్ ఫ్యాకల్టీగా అదే కళాశాలలోనే ఉద్యోగం చేస్తున్నాడు. తన ఊరుకు సేవ చేయాలనే తపనతో పోటీ చేస్తున్నానని అంటున్నాడు ఈ యువకుడు. ఎంత పెద్ద పదవి అనేది ముఖ్యం కాదని.. తన వార్డును చక్కగా, సుందరంగా తీర్చిదిద్దడమే తన ప్రధాన లక్ష్యమని తేజ ధీమా వ్యక్తం చేస్తున్నాడు.

ఇవీ చూడండి...