నెల్లూరులో న్యాయవాదుల ఆందోళన

నెల్లూరులో న్యాయవాదులు ఆందోళన చేశారు. హైకోర్టును కర్నూలుకు తరలించడం, రాజదాని మార్పు ప్రతిపాదనలను విరమించుకోవాలని డిమాండ్ చేశారు. విధులు బహిష్కరించిన న్యాయవాదులు నగరంలో స్కూటర్ ర్యాలీ నిర్వహించారు. జిల్లా కోర్టు నుంచి వీఆర్సీ, గాంధీబొమ్మ, ఆర్టీసీ మీదుగా తిరిగి కోర్టు వరకు ఈ ర్యాలీ సాగింది. కనీసం న్యాయ వ్యవస్థ అనే గౌరవం ఇవ్వలేదన్నారు, ఎవరినీ సంప్రదించకుండా హైకోర్టు తరలింపు, రాజధాని మార్పులపై ఎలా నిర్ణయం తీసుకుంటారని బార్ కౌన్సిల్ నేత చంద్రశేఖర్ రెడ్డి ప్రశ్నించారు. 10 జిల్లాల ప్రజలు వ్యతిరేకిస్తున్న ప్రభుత్వం పట్టించుకోకపోవడం దారుణమన్నారు. ప్రభుత్వం తీసుకుంటున్న ఇలాంటి నిర్ణయాల వల్ల వేర్పాటువాదం తెరపైకి వస్తోందని, ఇప్పటికైనా ప్రజల అభిప్రాయాలను గౌరవించాలని కోరారు.

.