నెల్లూరు జిల్లా కృష్ణపట్నం-ఓబులవారిపల్లె రైల్వే లైన్ డీజిల్ ట్రాక్షన్ ( డీజిల్ ఇంజిన్ల ప్రయాణం) విజయవంతమైంది. 40 బోగీలతో గూడ్స్ రైలును పోర్టు నుంచి ప్రారంభించారు చెన్నై ఛీఫ్ మేనేజర్ బి. కమలాకర్రెడ్డి. డీజిల్ ట్రాక్షన్ నిర్వహించిన విషయాన్ని ఆర్వీఎన్ఎల్ అధికారులు... ఉపరాష్ట్రపతి వెంకయ్యనాయుడుకు, సచివాలయానికి సమాచారం ఇచ్చారు. జూన్ 20 నుంచి ఎలక్ట్రిక్ ట్రాక్షన్ నిర్వహిస్తారు. (ప్యాసింజర్ రైలు) ప్రజా రవాణా సౌకర్యాలపై ఉపరాష్ట్రపతి అధికారులతో ఫోన్లో చర్చించారు.
2002లో ప్రతిపాదించిన ప్రాజెక్టు
రైల్వే మంత్రిత్వ శాఖ, కృష్ణపట్నం పోర్ట్ కంపెనీ, మినరల్ డెవలప్మెంట్ కార్పోరేషన్ భాగస్వామ్యంతో ఈ ప్రాజెక్టు నడిచింది. 2002లో వాజపేయి హయాంలో వెంకయ్యనాయుడు ప్రతిపాదించిన ప్రాజెక్టు. 2004 లో పనులు మంజూరు చేశారు. 1900 కోట్లతో వ్యయంతో 94.7 కిలోమీటర్ల మేర మార్గం పనులు పూర్తయ్యాయి. ఈ రైల్వేలైన్ను 2019 ఫిబ్రవరి 21న రైల్వే మంత్రి పీయూష్ గోయల్తో ప్రారంభం చేయించారు. రాయలసీమ, కోస్తా ప్రాంతాలను కలుపుతూ కడప జిల్లా ఓబులవారిపాలెం వైపు వెలుగొండలో టన్నెల్ కూడా తీశారు. ముడిసరకు రవాణాతోపాటు, ప్యాసింజర్ రైళ్ళను నడిపేందుకు ఉద్దేశించింది.
ఇదీ చదవండీ :
