నెల్లూరు జిల్లా వ్యాప్తంగా నాడు-నేడు పనుల్లో భాగంగా 1060 ప్రభుత్వ పాఠశాల భవనాలను మరమ్మతులు చేస్తున్నారు. ఇందుకు గాను జిల్లాకు 213 కోట్లు నిధులు కేటాయించారు. ఇప్పటివరకు జరిగిన పనులకు 96 కోట్ల రూపాయలు వరకు చెల్లించారు. అయితే మధ్యలో బిల్లులు రావడం ఆలస్యంకావడం.. పనులు కొన్ని రోజులు నిలిచిపోయాయి. మరోవారం రోజులు వర్షాల కారణంగా పనులు నిలిపేశారు. దీంతో పాఠశాలల తెరుచుకునే సమయానికి పనులు పూర్తి అవుతాయా లేదా అనే అనుమానాలు ఉపాధ్యాయులు వ్యక్తం చేస్తున్నారు.
విద్యార్ధులు వస్తారా...
పాఠశాలల్లో మరుగుదొడ్లు పూర్తి స్థాయిలో నిర్మాణం కాలేదు. తరగతి గదుల్లో దెబ్బతిన్న కిటీకీలు, ఆరుబైట బండపరుపు, విద్యుత్ పనులు వంటి ముఖ్యమైన పనులు ఇంకా అసంపూర్తిగానే ఉన్నాయి. ఇప్పటికే తొమ్మిది, పదితరగతులకు బోదన ప్రారంభమై నెల రోజులు కావస్తున్నా... 10శాతం మంది విద్యార్ధులు కూడా హాజరు కావడంలేదు. జిల్లావ్యాప్తంగా 2.51 లక్షల మంది విద్యార్ధులు ప్రభుత్వ పాఠశాలల్లో విద్యానభ్యసిస్తున్నారు. ఇలాంటి సమయంలో పాఠశాలలు తెరుచినప్పటికీ విద్యార్ధుల సంఖ్య పెరిగే పరిస్థితి మాత్రం కనిపించడంలేదు.
తల్లిదండ్రులకు అవగాహన..
ఇదే అంశంపై జిల్లా విద్యాశాఖ అధికారి ఉపాధ్యాయులతో సమావేశాలు నిర్వహించారు. కొవిడ్ జాగ్రత్తలు పాటించడం, మరుగుదొడ్లు నిర్వహణ. తరగదులు శుభ్రం చేయడం వంటి పనులు చేయించమని ఆదేశాలు ఇచ్చినట్లు వెల్లడించారు. మండల విద్యాశాఖ అధికారులు, ప్రధానోపాధ్యాయులు గ్రామాల్లో విద్యార్ధుల తల్లిదండ్రులకు అవగాహన కల్పిస్తున్నారు.
భరోసా ఇస్తున్న అధికారులు...
మరో పన్నెండు రోజుల్లో పాఠశాలలు తెరుచుకోనున్నాయి. సమయం తక్కువ ఉంది. నాడు నేడు పనులు మాత్రం మిగిలే ఉన్నాయి. భవన నిర్మాణం పనులు అసంతృప్తిగా ఉండటం.. పాఠశాల వాతావరణం మట్టిరాళ్ళతో అపరిశుభ్రంగా కనిపిస్తుంది. అధికారులు మాత్రం పనులు పూర్తి చేస్తామని. నూతన భవనాల్లో తరగతులు కొనసాగుతాయని భరోసా ఇస్తున్నారు.
ఇవీ చూడండి...
