Fire Crackers Price: దీపావళి పండగ అంటే ఇల్లు దీపాల వెలుగులతో మెరిసిపోతుంటుంది. దీపావళికి ఇంటిని శుభ్రం చేసి దీపాలు వెలిగిస్తే లక్ష్మీ మాతా అనుగ్రహం ఉంటుందని ప్రజలు భావిస్తారు. దీపాల వెలుగుతో పాటు దీపావళి అంటే గుర్తుకు వచ్చేది బాణసంచా. ఇంట్లో చిన్న పిల్లల దగ్గర నుంచి పెద్దల వరకు టపాసులు, చిచ్చుబుడ్లు, కాకర పువ్వోత్తులు ఇలా ఎదో ఒకటి కాల్చి సంతోషిస్తారు. కానీ, ఈ సంవత్సరం ప్రజలకు ఈ సంతోషం అందని ద్రాక్షలాగా మారింది. బాణసంచా ధరలు పెరిగిపోయాయి. దీంతో బాణసంచా కాల్చలంటేనే ప్రజలు వాటి ధరలు చూసి భయపడుతున్నారు.
నెల్లూరు నగరంలో వీఆర్సీ, ఆర్ఎస్ఆర్ స్కూల్ మైదానం, వైఎంసీ గ్రౌండ్ వద్ద బాణసంచా దుకాణాలు ఏర్పాటు చేశారు. దుకాణాలలో బాణసంచా కొనుగోలు చేయటానికి వచ్చిన కొనుగొలుదారులు ధరలను చూసి వాపోతున్నారు. గత ఏడాది 200 వందల రూపాయలకు లభించిన బాణసంచా.. ఈ సంవత్సరం 300 నుంచి 400 వెచ్చించి కొనుగోలు చేయాల్సి వస్తోందని అంటున్నారు. రెండు వేలు వెచ్చించి బాణసంచా కొనుగొలు చేసినా.. సంచి నిండటం లేదని వాపోతున్నారు. జీఎస్టీ కారణంగానే బాణసంచా ధరలు పెరిగాయని వ్యాపారులు అంటున్నారు. ప్రతి ఏడాది బాణసంచా ధరలు పెరగకుండా ప్రభుత్వం నియంత్రించాలని ప్రజలు కోరుతున్నారు.
విజయవాడలో దీపావళి మందు గుండు సామాన్ల అమ్మకం జోరందుకుంది. ప్రజలు పెద్ద ఎత్తున మార్కెట్లకు వస్తున్నారు. గత రెండు సంవత్సరాలుగా కరోనాతో వ్యాపారాలు నడవలేదని.. ఈ ఏడాది సాధారణ పరిస్థితులు నెలకొనడంతో అమ్మకాలు పుంజుకున్నాయని వ్యాపారులు చెబుతున్నారు. గతంలో పోలిస్తే మందుగుండు సామాన్లు ధరలు ఉత్పత్తి చేసిన సంస్థల వద్ద పెరిగాయని వారు వాపోతున్నారు. ఆ భారం కొనుగోలుదారుల మీద వెయ్యాల్సి వస్తుందని వ్యాపారులు తెలిపారు. ధరలు అందుబాటులో ఉంటే బాగుంటుందని కొనుగోలు దారులు పేర్కొన్నారు.
గతంతో పోలిస్తే వాటి ధరలు రెట్టింపయ్యాయని తెలిపారు. గతంలో దుకాణాల సంఖ్య తక్కువగా ఉండేదని.. ఇప్పుడు ఆ సంఖ్య బాగా పెరిగిందని అమ్మకందారులు చెబుతున్నారు. ఎలాంటి అవాంచనీయ సంఘటనలు జరగకుండా తగు జాగ్రత్తలు తీసుకున్నట్లు పోలీసులు తెలిపారు. ఫైర్ సేఫ్టీ మీద వ్యాపారులకు అవగాహన కలిగించినట్లు పోలీసు అధికారులు పేర్కొన్నారు.
ఇవీ చదవండి:
