నెల్లూరు వ్యాపారి హత్య కేసు.. మరో నిందితుడి అరెస్టు

గత ఏడాది నవంబరులో నెల్లూరు ఫత్తేఖాన్​పేట వద్ద తుపాకీతో కాల్చి వ్యాపారిని హత్య చేసిన కేసులో మరో నిందితుడిని పోలీసులు అరెస్టు చేశారు.

నెల్లూరు ఫత్తేఖాన్ పేట వద్ద గతేడాది నవంబర్​లో తుపాకీతో కాల్చి వ్యాపారిని హత్య చేసిన కేసులో మరో నిందితుడిని పోలీసులు అరెస్టు చేశారు. ఇప్పటికే ఈ కేసులో ఏ1, ఏ2, ఏ6 అనే ముగ్గురు నిందితులను అరెస్టు చేయగా, శుక్రవారం రాత్రి ఏ4 షేక్ సలీం రసీదును పోలీసులు అరెస్ట్ చేశారు. గత ఏడాది నవంబర్​లో రాజ్ పురోహిత్ మహేంద్ర సింగ్ అనే వ్యాపారిని తుపాకీతో కాల్చి నిందితులు పరారయ్యారు. అప్పట్లో ఈ విషయం కలకలం సృష్టించడంతో పోలీసులు విస్తృతంగా దర్యాప్తు చేసి నిందితులను పట్టుకున్నారు. మరో ఇద్దరు పరారీలో ఉండటంతో... వారిని త్వరలోనే పట్టుకుంటామని నెల్లూరు నగర డీఎస్పీ మురళీకృష్ణ తెలిపారు. హత్యకు ఉపయోగించిన తుపాకీలోని ఓ భాగాన్ని, మోటార్ సైకిల్ ను పోలీసులు స్వాధీనం చేసుకున్నారు.

ఇవీ చదవండి...మేకల కాపర్లను కాపాడే యత్నంలో.. శునకం మృతి