హిందువుల మనోభావాలు దెబ్బతీసేలా తిరుమల శ్రీవారి ఆలయ భూముల అమ్మకాలు చేపడితే ఉద్యమిస్తామని భారతీయ జనతా పార్టీ ప్రకటించింది. శ్రీవారి ఆస్తుల విక్రయ నిర్ణయానికి వ్యతిరేకంగా నెల్లూరులో భాజపా నేతలు ఉపవాస దీక్ష చేపట్టారు. భాజపా రాష్ట్ర నాయకులు సురేశ్ రెడ్డి, ఆంజనేయ రెడ్డి పాల్గొన్నారు. వైకాపా ప్రభుత్వం వచ్చినప్పటి నుంచి ఆలయాలపై దాడులు జరుగుతున్నాయని సురేశ్ రెడ్డి ఆరోపించారు.
తిరుమలతోపాటు ఇతర దేవాలయ భూములు అమ్మేందుకు ప్రయత్నిస్తున్నారని.. శ్రీశైలంలోనూ భారీ కుంభకోణాలు జరుగుతున్నాయని విమర్శించారు. దేవాలయాల పరిరక్షణ కోసమంటూ ప్రత్యేకంగా ఓ జాయింట్ కలెక్టర్ను నియమించి మరీ అమ్మేందుకు ప్రయత్నిస్తున్నారని దుయ్యబట్టారు. ప్రభుత్వం తన విధానాలను మార్చుకోకుంటే ఆందోళన తప్పదని హెచ్చరించారు.
ఇవీ చదవండి:
