మహిళపై కర్రతో దాడి.. చికిత్స పొందుతూ మృతి

ఓ వ్యక్తి కర్రతో దాడి చేయడంతో ఓ మహిళ మృతి చెందింది. ఈ ఘటన కర్నూలు జిల్లా నంద్యాలలో జరిగింది. ఈ సంఘటనపై పోలీసులు దర్యాప్తు చేస్తున్నారు.

కర్నూలు జిల్లా నంద్యాల వీసీ కాలనీకి చెందిన జయలక్ష్మి అనే మహిళకు కొన్నేళ్లక్రితం మహానంది మండలం గాజులపల్లెకు చెందిన సంజీవ రాయుడుతో వివాహం జరిగింది. వారి మధ్య మనస్పర్థలు రావటంతో కొంతకాలంగా ఎవరికి వారు వేరగా ఉంటున్నారు. వీరికి ఇద్దరు పిల్లలు ఉన్నారు.

నంద్యాల సంజీవనగర్​ గేట్ పెట్రోల్ బంకులో పనిచేసి జీవిస్తున్న జయలక్ష్మి మహానంది మండలం యు.బొల్లవరానికి చెందిన ప్రసాద్​తో సహజీవనం చేస్తోంది. వీరికి మనస్పర్థలు రావటంతో తరుచూ ఘర్షణ పడేవారు. ఈ క్రమంలో ఈ నెల 14న పెట్రోలు బంకులో ఉన్న జయలక్ష్మిపై ప్రసాద్​ కర్రతో దాడి చేశారు. దీంతో తలకు బలమైన గాయం కావటంతో నంద్యాల ప్రభుత్వాసుపత్రిలో వైద్యులు చికిత్స చేశారు.

పరిస్థితి విషమంగా ఉండటంతో వైద్యుల సూచన మేరకు మెరుగైన చికిత్స నిమిత్తం కర్నూలుకు తరలించారు. ఆసుపత్రిలో చికిత్స చేస్తుండగా.. ఆమె మృతి చెందింది. సంఘటనపై రెండో పట్టణ పోలీస్ స్టేషన్​ ఎస్సై నజీర్ హుస్సేన్ దర్యాప్తు చేపట్టారు.

ఇదీ చదవండి: ఘోర రోడ్డు ప్రమాదం... ఇద్దరి దుర్మరణం