ఉద్యోగం రాలేదని ఉరి వేసుకుని మహిళ మృతి
నాన్నా.. నాకు ఉద్యోగం రాదు.. నువ్వు బాధ పడుతుంటే నేను చుడలేను.. నాకు బతకాలని లేదంటూ ఓ కాంట్రాక్టు ఉద్యోగిని ఆత్మహత్యకు పాల్పడిన ఘటన కర్నూలు జిల్లా పాణ్యంలో జరిగింది. నగరానికి చెందిన ప్రియాంక అనే యువతి కోడుమూరులోని గూడూరు వ్యవసాయ శాఖలో ఎంపీఈవో(వ్యవసాయ విస్తరణ అధికారి)గా కాంట్రాక్టు ఉద్యోగం చేసేది. కర్నూలు నగరంలోని సీతారాం నగర్లో స్నేహితురాలితో కలిసి అద్దె ఇంట్లో ఉండి రోజూ ఉద్యోగానికి వెళ్లి వచ్చేది. అనూహ్యంగా బుధవారం సాయంత్రం ఇంట్లో ఫ్యాన్కి ఉరివేసుకుని బలవన్మరణానికి పాల్పడింది. ఉద్యోగం రాలేదనే భాదతో చనిపోతున్నట్లు సూసైడ్ నోటులో రాసింది. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.
ఇదీ చూడండి:
