కర్నూలు జిల్లా ఆళ్లగడ్డ మండలం ఆర్.కృష్ణాపురం గ్రామానికి చెందిన వీఆర్ఏ కుమారి భర్త రమణ.. స్థానిక ఎమ్మార్వో కార్యాలయం ఎదుట ఒంటిపై పెట్రోలు పోసుకుని ఆత్మహత్యాయత్నానికి పాల్పడ్డాడు. గమనించిన స్థానికులు అతన్ని కాపాడారు. గ్రామ వీఆర్వో గోవిందరెడ్డి.. ఓ భూమి కొలతల విషయంలో తనను వేధిస్తున్నాడని రమణ ఆరోపించారు. జీతం నిలిపివేస్తామని బెదిరిస్తున్నారని వాపోయాడు. మనస్తాపం చెంది ఆత్మహత్యకు యత్నించినట్లు చెప్పారు.
అయితే... మహిళా వీఆర్ఏ స్థానంలో ఆమె భర్త రమణ విధులు నిర్వర్తిస్తున్నట్లు ఈ ఘటన ద్వారా బయటపడింది. ఈ రెండు ఘటనపై పూర్తిస్థాయిలో విచారణ జరిపి చర్యలు తీసుకుంటామని తహసీల్దార్ రమేశ్ రెడ్డి తెలిపారు.
ఇదీ చదవండి.
