కర్నూలు జిల్లా డోన్ పట్టణం పాతపేటలో మరోసారి పాత కక్షలు భగ్గుమన్నాయి. దస్తగిరి స్వామి కట్ట దగ్గర కూర్చున్న ఇద్దరు యువకులపై కత్తులు, రాడ్ల తో అదే కాలనీకి చెందిన యువకులు దాడి చేశారు. ఈ ఘటనలో చందు, చిన్నా అనే వ్యక్తులకు తీవ్ర గాయాలు కావడంతో డోన్ ప్రభుత్వాసుపత్రికి తరలించారు. పరిస్థితి విషమంగా ఉండడంతో వెంటనే అటునుంచి కర్నూలుకు తరలించారు. మట్కా, అక్రమ మద్యం విషయాల్లో గతంలో కూడా రెండు వర్గాల మద్య ఘర్షణలు జరిగాయి. ఇరువురిపై కేసులు ఉన్నాయి. దాడికి సంబంధించి పోలీసులు కేసు నమోదు చేసుకుని దర్యాప్త చేపట్టారు.
మద్యం పట్టివేత
కృష్ణాజిల్లా మైలవరం మండలంలోని చంద్రల గ్రామంలో అక్రమంగా తరలిస్తున్న తెలంగాణ మద్యాన్ని పోలీసులు పట్టుకున్నారు. వీరి వద్ద నుండి 251 మద్యం బాటిళ్లు పట్టుకున్నారు. అందులో 30 క్వార్టర్ బాటిల్, 221 ఫుల్ బాటిళ్లు ఉన్నాయి. వీటి విలువ 51వేలు ఉంటుందని పోలీసులు తెలిపారు. మద్యం తరలిస్తున్న ద్విచక్రవాహనం సీజ్ చేసి ఒక వ్యక్తిని అదుపులోకి తీసుకున్నారు.
పరారీలో ఉన్న వ్యక్తి పట్టివేత
పశ్చిమగోదావరి జిల్లా జీలుగుమిల్లి ఆంధ్ర తెలంగాణ రాష్ట్ర సరిహద్దు తనిఖీ కేంద్రం వద్ద గంజాయి కేసులో పరారైన నిందితుడిని పోలీసులు పట్టుకున్నారు. 2017 డిసెంబర్ లో విశాఖపట్నం జిల్లా చింతపల్లి నుంచి హైదరాబాద్కు మినీ బస్సులో గంజాయి తరలిస్తుండగా జీలుగుమిల్లి వద్ద పోలీసులు పట్టుకున్నారు. కేసు నమోదు చేసి అప్పుడే ఇద్దరిని అరెస్టు చేశారు. ఈ కేసులో ప్రధాన నిందితుడిగా ఉన్న విశాఖపట్నం జిల్లా కశింకోట మండలం సింగవరంకి చెందిన నంబారు శ్రీనివాసరావు అప్పటినుంచి పరారీలో ఉన్నాడు. సీఐ నరసింహ మూర్తి ఆధ్వర్యంలో ఎస్సై విశ్వనాథ బాబు తన సిబ్బందితో రాష్ట్ర సరిహద్దు చెక్పోస్ట్ వద్ద వాహనాలు తనిఖీ చేస్తుండగా అతనిని పట్టుకున్నారు. వెంటనే పోలీస్ స్టేషన్కు తరలించి జంగారెడ్డిగూడెం కోర్టులో హాజరుపరిచారు.
ఇదీ చదవండి:
