'భరత్‌ అనే నేను...పోటీలో ఉన్నాను'

నవ్యంధ్ర అభివృద్ధి చంద్రబాబుతోనే సాధ్యమని టీజీ భరత్ అన్నారు. కర్నూలు అసెంబ్లీ సీటు తనకు కేటాయించడంపై ఆనందం వ్యక్తం చేశారు. అధిష్ఠానం సర్వే నిర్వహించి, గెలుపు గుర్రాలకే టిక్కెట్లు ఇచ్చిందన్నారు.

కర్నూలు అసెంబ్లీ స్థానాన్ని టీజీ.భరత్​ కేటాయించారు. అర్ధరాత్రి విడుదలైన తెదేపా తుది జాబితాలో భరత్​కు సీటుదక్కింది. విజన్ యాత్ర పేరిట భరత్ ఇప్పటికే నగరంలో ప్రచారాన్ని ప్రారంభించారు. సీటు కేటాయింపు విషయమై అధిష్ఠానం నుంచి సమాచారం రాగానే ఆయన అభిమానులు సంబరాలు చేసుకున్నారు. టిక్కెట్ కోసం ఎంతో ఉత్కంఠతో ఎదురుచుశానన్న భరత్ తెదేపా సర్వే ప్రకారమే సీట్ల కేటాయించారన్నారు. తనకు అవకాశం ఇచ్చినందుకు ముఖ్యమంత్రి చంద్రబాబునాయుడికి కృతజ్ఞతలు తెలిపారు. కర్నూలులో తెలుగుదేశం పార్టీ విజయానికి తిరుగులేదని ధీమావ్యక్తం చేశారు.