కర్నూల్ జిల్లా నంద్యాలలో యూట్యూబ్‌ ఛానెల్‌ విలేకరి హత్య కేసులో కానిస్టేబుల్ వెంకటసుబ్బయ్య(సస్పెండెడ్)తో పాటు అతని సోదరుడు నానిని పోలీసులు అరెస్టు చేశారు. ఆళ్లగడ్డ సబ్‌ జైలుకు తరలించారు. ఈ నెల 23 వరకు రిమాండ్ విధించారు.
నంద్యాల ఎన్జీవో కాలనీలో కేశవ్ అనే వ్యక్తి నిన్న దారుణ హత్యకు గురయ్యాడు. మృతుడి వీపుపై రక్త గాయాలు ఉన్నాయి. మృతుడు కేశవ్ ఓ యూట్యూబ్‌ ఛానల్కు విలేకరిగా పని చేస్తున్నట్లు తెలుస్తోంది. వెంకటసుబ్బయ్య అనే కానిస్టేబుల్ పాటు, మరో వ్యక్తి కలిసి కేశవ్ను ఓ హోటల్ వద్దకు రమ్మని పిలిచారు. అక్కడకు వెళ్లిన వెంటనే కేశవని స్క్రూ డ్రైవర్తో పొడిచి దుండగులు హత్య చేసినట్లు పోలీసులు తెలిపారు.
వెంకటసుబ్బయ్య నంద్యాల రెండో పట్టణ పోలీసు స్టేషన్లో కానిస్టేబుల్గా పని చేసేవాడు. ఇటీవల అతనిపై సస్పెన్షన్ వేటు పడింది. కానిస్టేబుల్కు గుట్కా వ్యాపారితో సంబంధం ఉందన్న వ్యవహారంలో ఓ ఆడియో సామాజిక మాధ్యమాల్లో వైరల్ కావడంతో అధికారులు అతడిని విధుల నుంచి సస్పెండ్ చేశారు. దీనికి కారణం కేశవ్ అనిన భావించిన పోలీసు సుబ్బయ్య.. కక్షతో విలేకరిని హత్య చేసినట్లు పోలీసులు తెలిపారు.
ఇదీ చదవండి: Murder: నంద్యాలలో విలేకరి దారుణ హత్య.. పోలీసే హంతకుడా ?
