సర్పంచికి బదులు ఆమె భర్తతో ప్రమాణం చేయిస్తున్న పంచాయతీ కార్యదర్శి
కర్నూలు జిల్లా కౌతాళం మండలం చూడిలో సర్పంచి ప్రమాణ స్వీకార కార్యక్రమంలో విచిత్రం జరిగింది. సర్పంచిగా గెలిచిన లక్ష్మి అనారోగ్యంతో కార్యక్రమానికి గైర్హాజరవడంతో.. ఆమె భర్త ఉప్పలప్పతో పంచాయతీ కార్యదర్శి హుసేనమ్మ ప్రమాణ స్వీకారం చేయించారు. ఈ ఘటన జరిగినప్పుడు వీఆర్వో నాగేంద్ర అక్కడే ఉన్నారు.
విషయం తెలుసుకున్న ఎంపీడీవో సూర్యనారాయణ.. సంబంధిత పంచాయతీ కార్యదర్శికి మెమో జారీ చేశారు. సర్పంచి లక్ష్మి ఆరోగ్యం కుదుటపడిన అనంతరం ఉన్నతాధికారుల ఆదేశాల మేరకు ప్రమాణ స్వీకారం చేయిస్తామని తెలిపారు.
ఇదీ చదవండి: రౌడీషీటర్ల ఆధిపత్య పోరు..హత్యాయత్నాన్ని భగ్నం చేసిన పోలీసులు
