కర్నూలు సరిహద్దు పంచలింగాల చెక్ పోస్టు వద్ద ఎన్ఫోర్స్మెంట్ అధికారులు భారీగా తెలంగాణ రాష్ట్ర మద్యాన్ని పట్టుకున్నారు. తనిఖీల్లో రెండు ఆటోలు, ఓ కారులో తరలిస్తున్న 741 మద్యం సీసాలు పట్టుకున్నారు. తెలంగాణ అలంపూర్కు చెందిన ఖాసీం, కర్నూలు బాలాజీనగర్కు చెందిన షేక్ ఖాజా ఆటోల్లో మద్యం తరలిస్తూ పట్టుబడగా.... కర్నాటకకు చెందిన కారు తెలంగాణ నుంచి వస్తుండగా సెబ్ అధికారులు ఆపే ప్రయత్నం చేశారు. కారు డ్రైవర్ ఆపకుండా వెళ్లగా సెబ్ అధికారులు కారును వెంబడించారు. కారు వదిలేసి డ్రైవర్ పరారయ్యాడని సెబ్ సీ.ఐ. లక్ష్మీ దుర్గయ్య తెలిపారు. మూడు కేసుల్లో రెండు ఆటోలు, ఓ కారుతో పాటు ఇద్దరు వ్యక్తులను అరెస్ట్ చేసి 741 మద్యం సీసాలను స్వాధీనం చేసుకున్నామన్నారు.
ఇదీ చదవండి: విషాదం : నీటి కుంటలో పడి ఇద్దరు చిన్నారులు మృతి
