కర్నూలు జిల్లా మంత్రాలయం మండలం మాధవరం చెక్ పోస్టు వద్ద కర్ణాటక రాష్ట్రం నుంచి అక్రమంగా తరలిస్తున్న మద్యాన్ని పోలీసులు పట్టుకున్నారు. దేవనకొండ మండలంలోని ఐరన్బండ గ్రామానికి చెందిన రామన్న, రవి అనే ఇద్దరు వ్యక్తులు లక్షన్నర రూపాయలు విలువైన కర్ణాటక మద్యాన్ని తరలిస్తున్నారన్న సమాచారం అందుకున్న పోలీసులు... కారును అనుసరించి పట్టుకున్నారు. కారు, మద్యాన్ని స్వాధీనం చేసుకుని ఇద్దరిని అరెస్టు చేశారు.
మరో ఘటనలో కారులో ప్రత్యేక అరను ఏర్పాటు చేసుకుని అక్రమ మద్యం తరలిస్తున్న నిందితులను తిరుపతి ప్రత్యేక ఎన్ఫోర్స్మెంట్ బ్యూరో అధికారులు పట్టుకున్నారు. నగరంలోని ఎస్వీ జూ పార్క్ సమీపంలో... అలిపిరి చెర్లోపల్లి రహదారిపై అక్రమ మద్యాన్ని తరలిస్తున్నారని సమాచారంతో.. పోలీసులు వాహనాల తనిఖీలు నిర్వహించారు. ఈ సోదాల్లో 128 మద్యం సీసాలను స్వాధీనం చేసుకుని ఇద్దరిని అరెస్టు చేశారు.
ఇదీచదవండి.
