రహదారులపై దోపిడీ చేస్తున్న దొంగల ముఠా అరెస్టు​

జాతీయ రహదారులపై దొంగతనాలకు పాల్పడుతున్న అంతర్రాష్ట్ర దొంగల ముఠాను... కర్నూలు పోలీసులు అరెస్టు​ చేశారు. నిందితుల నుంచి 2 లారీలు, 2 పిడి బాకులు, ఒక ఐరన్ కట్టర్​తో పాటు 85 ఫోన్లు స్వాధీనం చేసుకున్నట్లు జిల్లా ఎస్పీ వెల్లడించారు.

జాతీయ రహదారులపై దోపిడీలకు పాల్పడుతున్న అంతర్రాష్ట్ర దొంగల ముఠాను పోలీసులు అరెస్టు​ చేశారు. కంజారా ముఠా పేరుతో... రహదారులపై వెళ్తున్న భారీ లోడు వాహనాలను వెంబడించి... వస్తువులను దోచుకుంటున్న ముఠాను కర్నూలు పోలీసులు పట్టుకున్నారు. ముగ్గురిని అరెస్టు​ చేసి... మిగిలిన వారి కోసం గాలిస్తున్నారు. జిల్లా ఎస్పీ ఫకీరప్ప వివరాలు వెల్లడించారు. నిందితుల నుంచి 85 ఫోన్లు... 16 చీరలు, ఒక బాక్స్‌ స్వాధీనం చేసుకున్నామన్నారు. నేరాలకు ఉపయోగించిన 2 లారీలు, 2 పిడి బాకులు, ఒక ఐరన్​ కట్టర్‌ను స్వాధీనం చేసుకున్నట్లు తెలిపారు. నిందితులపై దేశంలోని పలు రాష్ట్రాల్లో కేసులు ఉన్నట్లు ఎస్పీ వివరించారు.

ఇదీ చూడండి: అనంతపురంలో అంతర్రాష్ట్ర దొంగల ముఠా అరెస్టు