ఈనెల 22న కర్నూలుకు చెందిన సాయినాథ్ రావు కర్నూలు ఆసుపత్రిలో గుండెపోటుతో మరణించారు. వారి కుటుంబసభ్యులకు కరోనాతో సాయినాథ్ చనిపోయాడని ఆసుపత్రిలో పనిచేసే వార్డు బాయ్ వెంకటగిరి, స్వీపరు జయరాజు తెలిపారు. కుటుంబ సభ్యులు తీవ్ర ఆందోళనకు గురయ్యారు. సాయినాథ్ కు అంత్యక్రియలు చేసేందుకు.. వార్డు బాయ్, స్వీపరు 91 వేల రుపాయలు డిమాండ్ చేశారు.
ఆస్ట్రేలియాలో ఉన్న మృతుడి కుమారుడు.. 50 వేల రూపాయలు ఫోన్ పే చేయగా... మిగిలిన డబ్బును కర్నూలులో ఉన్నవారు అంబులెన్స్ డ్రైవర్, వార్డు బాయ్, స్వీపర్కు ఇచ్చారు. మోసం జరిగిందని గుర్తించిన సాయినాథ్ కుమారుడు పోలీసులకు ఫిర్యాదు చేశారు. ఈ కేసులో మోసానికి పాల్పడిన ముగ్గురిని అరెస్ట్ చేయడంతోపాటు అంబులెన్స్ను, 60వేల నగదును స్వాధీనం చేసుకున్నట్లు సీఐ తబ్రేజ్ తెలిపారు.
ఇదీ చదవండి:
రాజధాని రైతుల పిటిషన్పై విచారణ: సీఎం సహా.. రాజకీయ నేతలకు హైకోర్టు నోటీసులు
