కర్నూలు జిల్లా నంద్యాలలో కరోనాతో మృతి చెందిన రెవెన్యూ ఉద్యోగుల కుటుంబాలకు.. రాష్ట్ర రెవెన్యూ సర్వీస్ అసోసియేషన్ ఆర్థిక సాయం ప్రకటించింది. నంద్యాల సబ్ కలెక్టర్ కల్పనా కుమారి.. బాధిత కుటుంబాలకు చెక్కులు అందజేశారు.
- నంద్యాల ఎస్సార్బీసీలో డిప్యూటీ తహసీల్దార్ మహబూబ్ బాషా కరోనాతో మృతి చెందారు. ఆయన కుటుంబ సభ్యులకు.. జిల్లా రెవెన్యూ ఉద్యోగులు రూ.4 లక్షలు, నంద్యాల రెవెన్యూ ఉద్యోగుల సంఘం రూ.2 లక్షలు విరాళంగా ఇచ్చారు.
- రుద్రవరం మండలం ఎంఎల్సీ పాయింట్ అర్ఐ గురుస్వామి కరోనాతో మృతి చెందగా.. ఆయన కుటుంబ సభ్యులకు రూ.70,000 ఆర్థిక సాయాన్ని అందజేశారు.
పాత పింఛన్ విధానాన్ని అమలు చేసి.. రెవెన్యూ ఉద్యోగుల సంక్షేమానికి ప్రభుత్వం పాటు పడాలని రెవెన్యూ ఉద్యోగుల సంక్షేమ సంఘం అధ్యక్షుడు గిరికుమార్ రెడ్డి ఈ సందర్భంగా డిమాండ్ చేశారు.
ఇదీ చదవండి: NTR Jayanthi: 'తెలుగువారి ఆత్మగౌరవాన్ని ప్రపంచానికి చాటిన వ్యక్తి ఎన్టీఆర్'
