ఇష్టం లేని వివాహం చేసుకుందని కన్నకూతురిపై.. తండ్రి కత్తితో దాడి చేసిన ఘటన కర్నూలు జిల్లా నంద్యాలలో జరిగింది. పట్టణంలోని దేవనగర్కు చెందిన మల్లీశ్వరి హరిజనపేటకు చెందిన మంజు అనే యువకుడిని ప్రేమించి పెళ్లి చేసుకుంది. కొద్ది రోజుల తరువాత వివాహం గురించి మాట్లాడుకుందామని ఆమెను ఇంటికి పిలిపించిన తండ్రి.. కత్తితో దాడి చేశాడు. గమనించిన కుటుంబసభ్యులు గాయపడ్డ యువతిని నంద్యాల ప్రభుత్వాస్పత్రికి తరలించారు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.
నేను, మంజు పెళ్లి చేసుకుని పది రోజులు అవుతోంది. మాట్లాడుకుందాం ఇంటికి రండి అని పిలిచి మా వాళ్లు ఈ దారుణానికి పాల్పడ్డారు. అరగంట వరకు బాగా మాట్లాడి, ఒక్కసారిగా కత్తితో దాడి చేశారు. నా భర్త గమనించి, నన్ను ఆస్పత్రికి తీసుకువచ్చాడు.
-బాధితురాలు
ఇదీచదవండి.
