నంద్యాలలో నకిలీ పోలీసులు అరెస్టు

కర్నూలు జిల్లా నంద్యాలలో పోలీసులమంటూ పాన్​షాప్ నిర్వహకుడిని బెదిరించిన ముగ్గురు వ్యక్తులపై రెండో పట్టణ పోలీసు స్టేషన్​లో కేసు నమోదైంది. పాన్​షాప్ యాజమాని గుట్కా ప్యాకెట్లు అమ్ముతున్న విషయాన్ని తెలుసుకొని నగదు డిమాండ్ చేయగా..పోలీసులు వారిపై కేసులు నమోదు చేశారు.

పోలీసులమంటూ పాన్​షాప్ నిర్వహకుడిని బెదిరించిన ముగ్గురు వ్యక్తులను కర్నూలు జిల్లా నంద్యాల రెండో పట్టణ పోలీసు స్టేషన్​లో కేసు నమోదైంది. స్థానిక కేసీ కార్యాలయం సమీపాన గల రహదారిపై పాన్​షాప్ నిర్వహిస్తున్న మల్లేశ్వరరావు అనే వ్యక్తి గుట్కా ప్యాకెట్లు అమ్ముతున్న విషయాన్ని నిందితులు తెలుసుకున్నారు. అనంతరం షాప్​వద్దకు వెళ్లి పోలీసులమంటూ కొంత మొత్తాన్ని డిమాండ్ చేశారు. తర్వాత ఇస్తానని చెప్పిన బాధితుడు పోలీసులను ఆశ్రయించాడు. మల్లేశ్వరరావు ఫిర్యాదు మేరకు దర్యాప్తు చేపట్టిన పోలీసులు ముగ్గురిపై కేసు నమోదు చేశారు.

ఇదీచదవండి చిత్తూరు: ఖననం అడ్డగింత వ్యవహారంలో మరో మలుపు