కర్నూలు జిల్లా చాగలమర్రి మండలం చిన్న బోధన గ్రామానికి చెందిన మాధవి అనే మహిళ ... పార్వేట ఉత్సవాలలో భాగంగా స్వామిని తన ఇంటి వద్దకు రావాలని పట్టుబట్టింది. ఈ విషయంపై గొడవ జరిగే అవకాశం ఉండటంతో చాగలమరి ఎస్సై శరత్ కుమార్ రెడ్డి గ్రామానికి చేరుకున్నారు. ఈ క్రమంలో ఎస్సై కొంగు లాగి దురుసుగా ప్రవర్తించారని మనస్థాపానికి చెందిన మహిళ పురుగుమందు తాగి ఆత్మహత్యాయత్నానికి పాల్పడింది. ఈ ఘటనపై మాజీ ముఖ్యమంత్రి చంద్రబాబు నాయుడు ట్విట్టర్ ద్వారా స్పందించారు. రాష్ట్ర వ్యాప్తంగా తెదేపా నాయకులపై పోలీసులు సైతం దాడులకు పాల్పడుతున్నారని ఆయన ఆరోపించారు.
తెదేపా నేతల ఆగ్రహం
ఎస్సై దురుసు ప్రవర్తనపై తెదేపా నేతలు ఆగ్రహం వ్యక్తం చేస్తూ... పోలీస్స్టేషన్ ఎదురుగా బైఠాయించారు. వైకాపా కార్యకర్తలుగా పోలీసులు పని చేస్తున్నారని... వారిపై చర్యలు తీసుకోవాలని తెదేపా నాయకులు కోరుతున్నారు. ప్రస్తుతం బాధితురాలు నంద్యాల ప్రభుత్వాసుపత్రిలో చికిత్స పొందుతుండగా... మాజీ మంత్రి భూమా అఖిలప్రియ ఆమెను పరామర్శించారు.
ఇదీ చదవండి: క్రికెట్ బంతి తగిలి బాలుడు మృతి
