న్యాయం జరగడం లేదని 'స్పందన'లో రైతు ఆత్మహత్యాయత్నం

తన పొలం ఇతరులు ఆక్రమించారంటూ అధికారుల చుట్టూ కాళ్లు అరిగేలా తిరిగాడో రైతు. ఎన్నిసార్లు తిరిగినా న్యాయం జరగడం లేదన్న మనస్తాపంతో 'స్పందన' కార్యక్రమంలో ఆత్మహత్యాయత్నం చేశాడు.

కర్నూలు కలెక్టర్ కార్యాలయంలో నిర్వహిస్తున్న స్పందన కార్యక్రమంలో ఓ రైతు పెట్రోల్ పోసుకుని ఆత్మహత్యాయత్నం చేశాడు. పాములపాడు మండలం లింగాల గ్రామానికి చెందిన సుధాకర్ అనే రైతు తనకు చెందిన నాలుగెకరాల పొలాన్ని ఇతరులు ఆక్రమించారని అధికారులకు ఫిర్యాదు చేశాడు. కార్యాలయాల చుట్టూ ఎన్నిసార్లు తిరిగినా న్యాయం జరగలేదని సుధాకర్​ వాపోయాడు. సాక్ష్యాలున్నా ఎందుకిలా చేస్తున్నారంటూ 'స్పందన' కార్యక్రమంలో పెట్రోల్ పోసుకుని ఆత్మహత్యాయత్నం చేశాడు. పోలీసులు స్పందించి అతనిని స్టేషన్‌కు తరలించారు.

ఇదీ చదవండి: హైదరాబాద్​:భార్య, పిల్లలకు విషమిచ్చి.. భర్త ఆత్మహత్య