దళితులపై మద్యం బాటిళ్లతో దాడి... ఇద్దరికి తీవ్ర గాయాలు

కులం పేరుతో దూషించి... దళిత యువకులపై కొందరు మద్యం బాటిళ్లతో దాడికి తెగబడ్డారు. ఈ ఘటన కృష్ణా జిల్లా నూజివీడులో కలకలం సృష్టించింది. మెరుగైన వైద్యం కోసం బాధితులను విజయవాడ ఆస్పత్రికి తరలించారు.

కృష్ణా జిల్లా నూజివీడులోని ఓ మద్యం దుకాణం వద్ద దళిత యువకులపై మద్యం బాటిల్​తో దాడి చేసిన ఘటన తీవ్ర సంచలనం కలిగిస్తోంది. నూజివీడు పట్టణం మైలవరం రోడ్డులోని పున్నమి వైన్స్​కు మద్యం కొనుగోలు నిమిత్తం దళిత యువకులు వచ్చారు. అప్పుడే అక్కడకు చేరుకున్న స్థానిక స్టేషన్ తోటకు చెందిన కొందరు యువకులు... వారిని కులం పేరుతో దూషిస్తూ... మద్యం బాటిళ్లతో దాడికి తెగబడ్డారు. ఈ ఘటనలో ఇద్దరికి తీవ్ర గాయాలయ్యాయి.

సమీపంలోని ప్రజలు బాధితులను నూజివీడు ప్రాంతీయ ఆసుపత్రికి తరలించారు. వారిని మెరుగైన వైద్యం కోసం విజయవాడ​కు తీసుకెళ్లారు. బాధితుల ఫిర్యాదు మీద పోలీసులు స్పందించడం లేదంటూ.. నిరసన వ్యక్తమవుతోంది.

ఇదీ చదవండి: