ద్విచక్ర వాహనంపై వెళ్తున్న ఇద్దరు యువకులు మార్గమధ్యలోనే రోడ్డు ప్రమాదంలో బలయ్యారు. ఇద్దరు యువకులు.. శ్రీకాకుళం నుంచి విజయవాడకు బైక్‌పై వెళ్తున్నారు. కృష్ణా జిల్లా హనుమాన్ జంక్షన్ వద్ద జాతీయ రహదారిపై డివైడర్ను ఢీకొట్టడంతో ఇద్దరూ అక్కడికక్కడే మృతి చెందారు. మృతులు విజయవాడకు చెందిన నాగరాజు, శ్రీకాకుళానికి చెందిన సత్యనారాయణ పోలీసులు గుర్తించారు. మృతుల్లో ఒకరు ప్రైవేట్ బ్యాంకులో ఉద్యోగి కాగా.. మరొకరి గురించి తెలియాల్సి ఉంది. హనుమాన్ జంక్షన్ పోలీసులు ప్రమాదంపై కేసు నమోదుచేసి దర్యాప్తు చేపట్టారు.
ఇదీ చూడండి: వసతి గృహంలో ఇంటర్ విద్యార్థిని అనుమానస్పద మృతి
