కృష్ణాజిల్లా పమిడిముక్కల మండలం గురజాడలోని ఓ ఇంట్లో భారీ చోరీ జరిగింది. ఇంట్లో ఎవరూ లేని సమయం చూసి.. రూ. 26 లక్షలు విలువ చేసే బంగారు, వెండి ఆభరణాలను దుండగులు ఎత్తుకెళ్లారు. ఒంటరిగా జీవిస్తున్న చల్లా రాజేశ్వరి అనే వృద్ధురాలు.. ఊరికి వెళ్లి తిరిగి వచ్చేసరికి ఇల్లు, బీరువా తాళాలు పగులగొట్టి ఉన్నాయి. ఇంట్లోని ఆభరణాలు కనిపించడం లేదంటూ.. ఆమె పోలీసులను ఆశ్రయించింది.
కేసు నమోదు చేసుకున్న పోలీసులు దర్యాప్తు చేపట్టారు. స్వయంగా విజయవాడ సీపీ బి.శ్రీనివాసులు సంఘటనా స్థలాన్ని పరిశీలించారు. దొంగతనం జరిగిన తీరును అడిగి తెలుసుకున్నారు. దొంగలు ముందుగా రెక్కీ నిర్వహించి.. చోరీకి పాల్పడి ఉండవచ్చని పోలీసులు భావిస్తున్నారు.
ఇదీ చదవండి: ప్రేమ విఫలమైందని యువకుడి ఆత్మహత్యాయత్నం
