104, 108 నూతన వాహనాలు జులై 1 నుంచి ప్రజలకు అందుబాటులో రానున్నాయి. వీటిల్లో అత్యానిధునిక పరికరాలు ఏర్పాటు చేసినట్లు సంబంధిత అధికారులు తెలిపారు. అత్యవసర సమయాల్లో ప్రజల ప్రాణాలను కాపాడేందుకు అవసరమైన అన్ని రకాల సదుపాయాలు ఈ వాహనాల్లో ఉన్నాయని వెల్లడించారు.
- 104తో ఇంటి వద్దకే సేవలు
మొత్తం 656.... 104 వాహనాలు జులై 1 నుంచి ప్రజలకు అందుబాటులోకి వస్తాయని 104 రాష్ట్ర నోడల్ అధికారిణి డాక్టర్ శ్యామల వెల్లడించారు. వీటిని మండలానికి ఒకటి చొప్పున కేటాయిస్తామని తెలిపారు.
'వాహనంలోనే క్లినిక్ ఏర్పాటు చేసేలా పరికరాలు అమర్చాం. ఈసీజీ యంత్రం, డిజిటల్ థర్మోమీటర్ వంటి 29 రకాల యంత్రాలు 104 వాహనంలో ఉన్నాయి. నెలలో 24 రోజులు ఇవి పనిచేస్తాయి. గ్రామ సచివాయాల ప్రాతిపదికన ఓ షెడ్యూల్ తయారు చేశాం. దాని ప్రకారమే ఈ వాహనాలు ఆయా గ్రామాలకు వెళ్తాయి. 74 రకాల మెడిసిన్లు ఈ వాహనంలో ఉంటాయి. ఉదయం ఓపీ సేవలు.... మధ్యాహ్నం నుంచి స్కూళ్లు, అంగన్వాడీలకు ఈ వాహనాలు వెళ్తాయి. మంచానికే పరిమితమైన వారికి చికిత్స అందించేందుకు వారి ఇంటి వద్దకే వెళ్తాయి' అని డాక్టర్ శ్యామల వివరించారు.
- మరిన్ని సదుపాయాలతో 108 వాహనం
412 నూతన... 108 వాహనాలు త్వరలో అందుబాటులోకి వస్తాయని 108 రాష్ట్ర నోడల్ అధికారి డాక్టర్ ఖాన్ వెల్లడించారు. వీటిని మూడు రకాలుగా విభజించినట్లు తెలిపారు. నవ జాత శిశువుల కోసం ప్రత్యేక పరికరాలు ఇందులో ఉన్నాయని పేర్కొన్నారు. ఈ యంత్రాలు మినీ ఐసీయూలా తయారు చేసినట్లు వివరించారు.
ఇదీ చదవండి:
