విజయవాడ సమీపంలోని పోరంకి గ్రామంలో బియ్యం కార్డుదారులకు నగదు అందక ఆదివారం సచివాలయాల వద్ద పడిగాపులు కాస్తున్నారు. అర్హుల జాబితాలో పేరు లేదని, యాప్లో పేరు కనబడటం లేదని సచివాలయ సిబ్బంది డబ్బులు ఇవ్వటం లేదు. లాక్డౌన్ కారణంగా శనివారం నగదు తీసుకోలేకపోయామని... ఇవాళ వస్తే పేర్లు లేవని చెప్పడం దారుణమని కార్డుదారులు గగ్గోలు పెడుతున్నారు. వాలంటీర్లు ఇళ్లకే నగదు తెచ్చి ఇస్తారని సీఎం జగన్ చెబుతున్నప్పటికీ... క్షేత్రస్థాయిలో అలా జరగడం లేదని వాపోతున్నారు. నగదు అందకపోతే ఆకలి దప్పులు తప్పవని వృద్ధులు, ఒంటరి మహిళలు, దివ్యాంగులు ఆందోళన చెందుతున్నారు. అధికారులు తక్షణమే స్పందించి తమకు 1000 రూపాయలు అందించాలని వారు కోరుతున్నారు.
ఇదీ చదవండి: లాక్డౌన్ వేళ దాతలుగా మారిన యాచకులు
