గుడివాడ రైతుబజార్​లో కిక్కిరిసిన జనం...

కరోనా వైరస్ వ్యాప్తిని అరికట్టేందుకు జిల్లాలో 144 సెక్షన్ విధించడంతో కూరగాయల కోసం కృష్ణాజిల్లా గుడివాడ రైతు బజార్ వినియోగదారులతో కిటకిటలాడింది. ఉదయం 6 గంటల నుంచి 10 గంటల వరకు నిత్యావసర వస్తువులు, కూరగాయల కొనుక్కునే అవకాశం కల్పించడంతో కూరగాయలు కొనడానికి రైతు బజార్​కు ప్రజలు ఎగబడ్డారు.

కరోనా నివారణకు రాష్ట్ర ప్రభుత్వం కఠిన చర్యలు తీసుకుంది. ఎక్కడికక్కడ 144 సెక్షన్​ అమలు చేస్తూ..నిర్థిష్ట సమయంలోనే నిత్యవసరాలు కొనుగోలు చేయాలని చెప్పడంతో కూరగాయలు కొనేందుకు జనాలు ఎగబడ్డారు. కృష్ణాజిల్లా గుడివాడ రైతు బజార్​కు అధిక సంఖ్యలో వినియోగదారులు వచ్చారు. కూరగాయలు అయిపోతాయి అన్న ఆందోళనతో వినియోగదారులు ఎగబడ్డారు. గుడివాడ రైతు బజార్ ఇరుకుగా ఉండడంతో ప్రజలు ఇబ్బంది పడ్డారు. తాత్కాలికంగా పక్కనే ఉన్న ఎన్టీఆర్​ క్రీడామైదానంలో ఏర్పాటు చేయాలని స్థానికులు డిమాండ్​ చేశారు.

ఇదీ చూడండి కూతురితో తండ్రికి తలకొరివి పెట్టించిన 'కరోనా'!