ఉపరితల ఆవర్తన ద్రోణి ప్రభావంతో రాష్ట్రంలోని పలు జిల్లాల్లో మూడ్రోజుల పాటు భారీ వర్షాలు కురిసే అవకాశం ఉందని ఆర్టీజీఎస్ తెలిపింది. చిత్తూరు, నెల్లూరు, ప్రకాశం, గుంటూరు, కృష్ణా జిల్లాల్లో మోస్తరు, రాయలసీమలోని పలు ప్రాంతాల్లో పిడుగులతో కూడిన వానలు కురుస్తాయని అంచనా వేసింది. ఈ నెల 22న బంగాళాఖాతంలో అల్పపీడనం ఏర్పడే సూచనలున్నాయన్న ఆర్టీజీఎస్ అధికారులు... దీని ప్రభావంతో కోస్తాంధ్రలో భారీ వర్షపాతం నమోదవుతుందని తెలిపారు.
నదులకు మళ్లీ వరదలు
మహారాష్ట్రలో భారీ వర్షాలు కురిసే అవకాశం ఉన్నందున కృష్ణా, గోదావరి నదులకు మళ్లీ భారీగా వరద వచ్చే అవకాశం ఉందని ఆర్టీజీఎస్ తెలిపింది. ఈ నెల 21 నుంచి అక్టోబర్ 2 వరకు కృష్ణా పరివాహక ప్రాంతంలోనూ... 28 నుంచి అక్టోబర్ 4 వరకు గోదావరి పరివాహక ప్రాంతాల్లో భారీగా వరద చేరుతుందని ఆర్టీజీఎస్ అధికారులు తెలిపారు. నదీ తీర ప్రాంతాల ప్రజలు అప్రమత్తంగా ఉండాలని సూచించారు.
ఇదీ చూడండి : పార్టీ నేతలతో చంద్రబాబు భేటీ
