జాతీయ రహదారిని తవ్వి వదిలేశారు. ఒకటి కాదు రెండు కాదు. నెలలు గడుస్తోంది. అయినా పట్టించుకునేవారు లేరు. ఫలితంగా.. దుమ్మూధూళి గాల్లోకి ఎగుస్తోంది. ప్రజలను ఆనారోగ్యానికి గురి చేస్తోంది. అనేక రోడ్డు ప్రమాదాలు జరుగుతున్నాయి. ఈ రహదారి పక్కనే ఉన్న మత్స్యకారుల బాలుర ఆశ్రమ పాఠశాల, వసతి గృహంలోకీ దుమ్ము వెళ్తోంది. ఫలితంగా సుమారు 250 మంది ఇబ్బందులు పడుతున్నారు. కృష్ణా జిల్లా మచిలీపట్నం నుంచి మోపిదేవి వరకు విస్తరించి ఉన్న 216వ జాతీయ రహదారి పరిధిలో ఈ పరిస్థితి నెలకొంది.
ఎన్నిసార్లు జాతీయ రహదారి అధికారులకు, గుత్తేదారుకు ఉపాధ్యాయులు, గ్రామస్తులు మొర పెట్టుకున్నా ఫలితం లేకుండా పోతోంది. వారానికి ఒకటి రెండు సార్లు దుమ్మురేగకుండా నీళ్ళు చల్లుతున్నా.. ఆ ఫలితమూ నామమాత్రమే. ధూళితో సరిగా చదువుకోలేక పోతున్నామని, ఊపిరి ఆడటం లేదంటున్నారు ఆశ్రమపాఠశాల విద్యార్థులు. భోజనం చేయలంటే ప్లేట్‌ దుమ్ముతో నిండిపోతోందని... బట్టలు ఉతికి ఎండ బెట్టినా తిప్పలు తప్పడం లేదంటున్నారు. సమస్యను త్వరగా శాశ్వత ప్రాతిపదికన పరిష్కరించాలని కోరుతున్నారు.
ఇది కూడా చదవండి
