కృష్ణాజిల్లా జి.కొండూరు మండలంలోని గుర్రాజుపాలెం వద్ద జాతీయ రహదారిపై జరిగిన ప్రమాదంలో ఓ యువకుడు మృతి చెందగా మరొకరికి తీవ్ర గాయాలయ్యాయి. జి.కొండూరు మండలం గడ్డమణుగుకు చెందిన కాటూరు ప్రవీణ్, కొర్లపాటి చక్రి అనే యువకుడితో కలిసి ద్విచక్రవాహనంపై మైలవరం వెళుతున్నారు. లారీని క్రాస్ చేసే సమయంలో ఎదురుగా వస్తున్న కారు ద్విచక్ర వాహనాన్ని ఢీకొట్టింది. ఈ ప్రమాదంలో ప్రవీణ్ అక్కడికక్కడే దుర్మరణం చెందాడు. మరో యువకునికి తీవ్ర గాయాలయ్యాయి. అతడిని మైలవరం ప్రభుత్వ ఆస్పత్రికి తరలించారు. స్థానికులు పోలీసులకు సమాచారం ఇచ్చారు.
ఇదీ చదవండి: పాఠశాలలకు సెలవులు... కోడిగుడ్లు, చిక్కీల పంపిణీపై సందిగ్ధత
