కృష్ణా జిల్లా గన్నవరం ఎన్టీఆర్ వెటర్నరీ కళాశాలలో ఒప్పంద ఉద్యోగులు ఆందోళన చేపట్టారు. గత రెండు నెలలుగా నిలిచిన వేతనాలు చెల్లించాలని డిమాండ్ చేశారు. కరోనా కష్టకాలంలో వేతనాల జాప్యంతో కుటుంబ పోషణ భారంగా మారిందంటూ ఆవేదన వ్యక్తం చేశారు. అనంతరం కళాశాల అసోసియేట్ డీన్ డా. రవికుమార్కు వినతిపత్రం అందజేశారు.
కళాశాలలో మొత్తం సుమారు 250 మంది ఒప్పంద ఉద్యోగులుగా విధులు నిర్వహిస్తున్నామని.. వేతనాలు లేక ఇబ్బంది పడుతున్న తమను ఆదుకోవాలని కోరారు. వేతనాలు చెల్లించకపోతే ఆందోళన ఉద్ధృతం చేస్తామని హెచ్చరించారు.
RUYA incident: తిరుపతి రుయా ఆస్పత్రి ఘటనపై.. హైకోర్టులో రాష్ట్ర ప్రభుత్వం కౌంటర్‌
