'రాజధానిని మారిస్తే రాష్ట్రానికి అరిష్టం'

రాజధాని అంశంపై ప్రభుత్వ తన నిర్ణయాన్ని మార్చుకునేంత వరకు ఉద్యమం ఆపేదిలేదని హిందూ దేవాలయ ప్రతిష్టాన్​ పీఠాధిపతి కమలానంద భారతి స్పష్టం చేశారు. విజయవాడలో అమరావతి జేఏసీ ఆధ్వర్యంలో జరిగిన కార్యక్రమానికి హాజరైన ఆయన రాజధానిని మారిస్తే రాష్ట్రానికి అరిష్టమని అభిప్రాయపడ్డారు.

ప్రభుత్వం రాజధానిని మూడు ముక్కలు చేసి ఆంధ్రుల ఉనికిని ప్రశ్నార్ధకం చేస్తుందని కమలానంద భారతి పేర్కొన్నారు. విజయవాడలో అమరావతి ఐకాస ఆధ్వర్యంలో జరిగిన కార్యక్రమానికి హాజరైన ఆయన రాజధానిని ఉద్దేశించి మాట్లాడారు . భూములు ఇచ్చిన రైతులు రోడ్డునపడ్డారని ఆవేదన వ్యక్తం చేశారు. 85 రోజులుగా మహిళలు రోడ్డుపైకి వచ్చి ఉద్యమం చేస్తుంటే ప్రభుత్వం నిమ్మకు నీరెత్తి వ్యవహరిస్తుందని ఆరోపించారు. పవిత్రమైన అమరావతి నుంచి రాజధానిని ఎవరూ మార్చలేరని ధీమా వ్యక్తం చేశారు.

ఇవీ చూడండి..