సచివాలయాల ఉద్యోగాలకు భారీ స్పందన

సచివాలయాల ఉద్యోగ నోటిఫికేషన్‌కు విశేష స్పందన లభిస్తోంది. రెండురోజుల్లో 1 లక్షా 5 వేల 914 దరాఖాస్తులు వచ్చాయి. రాష్ట్రేతర అభ్యర్థులు 391 మంది దరఖాస్తు చేసుకున్నారు. సాంకేతిక సమస్యలు తలెత్తకుండా అధికారులు చర్యలు తీసుకుంటున్నారు.

గ్రామ, వార్డు సచివాలయాల్లో ఉద్యోగాల నోటిఫికేషన్‌కు నిరుద్యోగుల నుంచి విశేష స్పందన వ్యక్తమవుతోంది. 1 లక్ష 28 వేలకు పైగా ఉద్యోగాలకు రెండు రోజుల్లో ఏకంగా 1 లక్షా 5 వేల 914 మంది నిరుద్యోగులు దరఖాస్తు చేసుకున్నారు. 391 మంది రాష్ట్రేతరులు కూడా దరఖాస్తు చేశారు. గ్రామ, వార్డు కార్యదర్శులు, వీఆర్వో తదితర విభాగాల్లో... 19 నోటిఫికేషన్లకు ఆన్​లైన్ ద్వారా దరఖాస్తులు స్వీకరిస్తున్నారు. పెద్దయెత్తున దరఖాస్తులు వస్తుండటంతో వెబ్​సైట్లు మొరాయిస్తున్నాయి. సాంకేతిక సమస్యలు తలెత్తకుండా అధికారులు చర్యలు తీసుకుంటున్నారు.