'పనులు లేకుండా పోయాయి.. మమ్మల్ని ఆదుకోండి'

కరోనా మహమ్మారి కారణంగా తమకు పనులు లేకుండా పోయాయని.. ప్రభుత్వం ఆదుకోవాలని కోరారు ఫ్లెక్స్ ప్రింటింగ్ అసోసియేషన్ సభ్యులు. లాక్​డౌన్​తో పనుల్లేక దాదాపు 3 నెలల నుంచి తీవ్ర ఇబ్బందులు ఎదుర్కొంటున్నామని వాపోయారు. తిరిగి పనులు ప్రారంభించేందుకు తమకు రుణ సదుపాయం కల్పించాలి విజ్ఞప్తి చేశారు.

కరోనా లాక్​డౌన్ కారణంగా ఫ్లెక్సీ మరియు యాడ్స్ వ్యాపారాలు సంక్షోభంలో కూరుకుపోయాయని.. ప్రభుత్వమే తమను ఆదుకోవాలని ఆంధ్రప్రదేశ్ ఫ్లెక్స్ ప్రింటింగ్ అసోసియేషన్ సభ్యులు కోరారు. ఫ్లెక్స్ ప్రింటింగ్​తో స్వయం ఉపాధి పొందుతున్న తమను కరోనా దారుణంగా దెబ్బతీసిందని వారు విజయవాడలో ఆవేదన వ్యక్తం చేశారు. లాక్ డౌన్​తో కొన్ని వేల కుటుంబాలు తీవ్ర ఇబ్బందులు పడుతున్నాయన్నారు.

అద్దెలు కట్టలేక, కరెంట్ బిల్లులు, వర్కర్స్ జీతాలు, మెయింట్​నెన్స్ ఖర్చులు, కుటుంబ పోషణకు డబ్బుల్లేక ఎన్నో రకాలుగా అవస్థలు పడుతున్నామని వాపోయారు. ఇన్నాళ్లు పని లేకపోవడం వలన యంత్రాలు పని చేయడం లేదని.. తిరిగి పని ప్రారంభించాలంటే లక్షల్లో ఖర్చు అవుతుందని ఆవేదన వ్యక్తం చేశారు. ఫ్లెక్స్ ప్రింటింగ్​ను చిన్న తరహా పరిశ్రమగా గుర్తించి రుణ సదుపాయం కల్పించాలని కోరారు.

ఇవీ చదవండి.. చాకచక్యంతో యువతి ఆత్మహత్యను ఆపిన పోలీసులు