రైతులకు తైవాన్ స్ప్రేయర్ల పంపిణీ

కృష్ణా జిల్లా మైలవరంలో రైతులకు ప్రభుత్వం రాయితీతో అందిస్తున్న తైవాన్​ స్ప్రేయర్లను పంపిణీ చేశారు. ఉద్యావన, గిరిజన సంక్షేమ శాఖ ఆధ్వర్యంలో జరిగిన ఈ కార్యక్రమంలో కలెక్టర్ ఇంతియాజ్, ఎమ్మెల్యే వసంత కృష్ణప్రసాద్​ పాల్గొన్నారు.

మైలవరంలోని స్థానిక సాయిబాబా కల్యాణ మండపంలో ఉద్యావన, గిరిజన సంక్షేమ శాఖ ఆధ్వర్యంలో ఎస్టీ రైతులకు తైవాన్ స్ప్రేయర్లు పంపిణీ చేశారు. వీటిని ప్రభుత్వం 90 శాతం రాయితీతో అందిస్తోంది. ఈ కార్యక్రమంలో జిల్లా కలెక్టర్ ఇంతియాజ్, ఎమ్మెల్యే వసంత కృష్ణప్రసాద్​ పాల్గొన్నారు. అర్హులైన నూట యాభై మందికి స్ప్రేయర్లను అందించారు.

రైతులకు చేయూత అందించేందుకు ప్రభుత్వం అమలు చేస్తున్న కార్యక్రమాలను అర్హులు సద్వినియోగం చేసుకోవాలని కలెక్టర్​ కోరారు. సీఎం అన్నదాతల మేలు కోసం తపిస్తారని ఎమ్మెల్యే వసంత కృష్ణ ప్రసాద్ చెప్పారు. ఉద్యావన, గిరిజన సంక్షేమశాఖ అధికారులు, తహసీల్దార్, రెవెన్యూశాఖ ఉద్యోగులు, వైకాపా నాయకులు, రైతులు పాల్గొన్నారు.

ఇదీ చదవండి: