"ట్రాక్టర్ నడపలేడని లోకేశ్ను ఎద్దేవా చేసిన మంత్రి కొడాలి నాని.. పక్క రాష్ట్రానికి బస్సు నడపలేని అసమర్థ ముఖ్యమంత్రి జగన్ని ఏమంటారు?" అని మాజీ మంత్రి దేవినేని ఉమ ప్రశ్నించారు. మంత్రి కొడాలి నాని మాటకు మాట సమాధానం చెప్పి తీరుతామన్నారు. "రాజధానికి భూమి ఇచ్చిన రైతులకు బేడీలు వేసిన జగన్.. ఇదేనా రైతు రాజ్యం?" అని ప్రశ్నించారు.
రాష్ట్రంలో రైతులకు అడుగడుగునా అవమానాలు జరుగుతున్నాయని దేవినేని ఆవేదన వ్యక్తం చేశారు. రెండేళ్లలో పోలవరం పూర్తి చేస్తామని ఉత్తర కుమార్ ప్రగల్భాలు పలికినా.. ప్రభుత్వం ఒక్కశాతం పనైనా పూర్తి చేసిందా అని నిలదీశారు. పోలవరంపై గతంలో వైకాపా చేసిన దుష్ప్రచారం వల్లే నేడు కేంద్రం నిధుల్లో కోత పెట్టిందని ఆరోపించారు.
వరదల వల్ల రైతులకు పంట నష్టం జరిగితే పరామర్శించడానికి వెళ్లిన తెదేపా నేతలపై కొవిడ్ నిబంధనలను అడ్డం పెట్టుకొని.. కేసులు బనాయించే నీఛ సంస్కృతిని మానుకోవాలని హితవు పలికారు. నగదు బదిలీ పథకం ద్వారా ఇప్పటి వరకు ఎందరి ఖాతాల్లో డబ్బులు వేశారన్న వివరాలపై శ్వేతపత్రం విడుదల చేయాలని డిమాండ్‌ చేశారు. రాష్ట్రంలో జరుగుతున్న అసమర్థ అవినీతి పాలనపై ప్రజలు తిరగబడే రోజులు దగ్గర్లోనే ఉన్నాయని వ్యాఖ్యానించారు.
ఇదీ చదవండి:
