రిలే నిరాహార దీక్షలకు సీపీఐ, సీపీఎం మద్దతు

పౌరసత్వ సవరణ చట్టానికి పార్లమెంటులో మద్దతు పలికినా... రాష్ట్రంలో ఎన్.ఆర్.సి ని అమలు చేయబోమని అసెంబ్లీలో తీర్మానం చేయాలని వామపక్ష పార్టీల రాష్ట్ర కార్యదర్శులు రామకృష్ణ, మధు డిమాండ్ చేశారు. ధర్నాచౌక్​లో చేపట్టిన రిలే నిరాహార దీక్షలకు సీపీఐ, సీపీఎం పార్టీలు సంఘీభావం తెలిపాయి.

ఏపీ లౌకిక రాజ్యాంగ పరిరక్షణ వేదిక ఆధ్వర్యంలో ధర్నా చౌక్​లో చేపట్టిన రిలే నిరాహార దీక్షలకు... సీపీఐ రాష్ట్ర కార్యదర్శి రామకృష్ణ, సీపీఎం రాష్ట్ర కార్యదర్శి మధు సంఘీభావం తెలిపారు. భాజపా అధికారంలోకి వచ్చాక మైనారిటీలపై దాడులు పెరిగాయని... ఆర్టికల్ 370 రద్దుతో కశ్మీర్​కున్న ప్రత్యేక హక్కును రద్దు చేశారని రామకృష్ణ ఆరోపించారు. వైకాపా ఎంపీలు పార్లమెంటులో పౌరసత్వ సవరణ చట్టానికి మద్దతు పలికినా... రాష్ట్రంలో మాత్రం అమలు చేయబోమని ముఖ్యమంత్రి జగన్మోహన్ రెడ్డి చెప్పడాన్ని స్వాగతిస్తున్నామన్నారు. తక్షణమే ఎన్.ఆర్.సిని అమలు చేయకుండా అసెంబ్లీలో తీర్మానం చేయాలని డిమాండ్ చేశారు.

ఇవీ చూడండి..