నివర్ తుపాను ప్రభావంతో కృష్ణా జిల్లా నందిగామ, జగ్గయ్యపేట ప్రాంతాల్లో తెల్లవారుజాము నుంచి వర్షం కురుస్తోంది. నందిగామ, కంచికచర్ల మార్కెట్ యార్డులో సీసీఐ కొనుగోలు కేంద్రాలకు తీసుకొచ్చిన పత్తి బోరాలు వర్షానికి తడిసిపోయాయి. నాలుగు రోజుల క్రితం పత్తి పంటను యార్డుకు తీసుకురాగా.. కొనుగోలుదారులు జాప్యం చేశాడు. వెయ్యి భోరాలు పత్తి కొనుగోలుకు తీసుకురాగా.. నిన్న ధర నిర్ణయించారు. బస్తాలు ఇంకా తూకాలు వేయలేదు. యార్డు ఆవరణలోనే పత్తి వర్షానికి తడిసిపోయింది. ఈ కారణంగా.. పత్తి రైతులు ఆవేదన చెందుతున్నారు.
మరోవైపు.. రెండు నియోజకవర్గాల పరిధిలో కోతకొచ్చిన వరి పైర్లు దెబ్బతిన్నాయి. 80 వేల ఎకరాల్లో సాగు అయిన పత్తి పంట.. వర్షానికి దాదాపుగా తడిసిపోయింది. ఇప్పటికే అధిక వర్షాల కారణంగా పత్తి, మిర్చి పైర్లు దెబ్బతిని రైతులు తీవ్రంగా నష్టపోయారు. ఈ పరిస్థితుల్లో మళ్లీ తపాను ప్రభావం చూపుతుండగా.. ఆర్థికంగా మరింత కుదేలవుతున్నారు.
ఇదీ చదవండి:
